RAMS-yo'l aktivni boshqarish

«Йўл активларини бошқариш» — автомобиль йўллари, йўл инфратузилмаси объектлари ва уларнинг ҳолати тўғрисидаги маълумотларни электрон шаклда юритиш, мониторинг қилиш ҳамда тегишли иш жараёнларини рақамлаштиришга мўлжалланган мобил илова.

Илова автомобиль йўллари соҳасидаги маълумотларни ягона рақамли муҳитда шакллантириш, йўл объектларининг ҳолатини назорат қилиш ва бажарилаётган ишларни мониторинг қилиш имконини беради.

Асосий имкониятлар

• автомобиль йўллари ва йўл активларини интерактив харитада кўриш;

• йўл ва инфратузилма объектлари ҳақидаги маълумотларни кўриш ва юритиш;

• объектларнинг жорий ҳолатини қайд этиш;

• йўлларда аниқланган ҳолатлар ва камчиликларни фото материаллар билан қайд этиш;

• геолокация асосида объект ва бажарилган иш жойини белгилаш;

• топшириқларни шакллантириш, қабул қилиш ва уларнинг бажарилиш ҳолатини кузатиш;

• бажарилган ишларни «олдин» ва «кейин» ҳолати бўйича қайд этиш;

• таъмирлаш ва сақлаш ишлари ҳақида маълумотларни юритиш;

• тегишли ҳисобот ва статистик маълумотларни шакллантириш ва кўриш;

• ҳудудлар, ташкилотлар ва масъул ходимлар кесимида иш жараёнларини мониторинг қилиш.

Илова йўл хўжалиги соҳасида маълумотларни тезкор йиғиш, уларнинг долзарблигини таъминлаш ва йўл активларини бошқариш жараёнларини рақамлаштиришга хизмат қилади.

Ваколатли ташкилот:
Ўзбекистон Республикаси Транспорт вазирлиги ҳузуридаги Автомобиль йўллари қўмитаси.