Ismlar ma'nosi

Farzandingizga ism tanlash — oilaning eng quvonchli, ayni paytda eng masʼuliyatli qarorlaridan biri. «Ismlar maʼnosi» ilovasida 10 997 ta oʻzbek ismi bir joyga jamlangan: har biri maʼnosi, kelib chiqishi va yozilish shakllari bilan.

Ilovada nima bor

• 10 997 ta ism — 7 807 ta oʻgʻil bolalar va 3 190 ta qizlar ismi
• Har bir ismning maʼnosi oʻzbek tilida, toʻliq va tushunarli
• Uchta yozuv: lotin, kirill va ingliz shakllari yonma-yon
• Ismning kelib chiqishi: arabcha, oʻzbekcha, fors-tojikcha, turkiy, hindcha, yunoncha, moʻgʻulcha va boshqalar
• Oʻgʻil va qiz ismlarini bir tegishda ajratish
• Alifbo boʻyicha tez oʻtish — A dan Ch gacha, oʻzbek alifbosi tartibida
• Yoqqan ismlarni sevimlilarga saqlash
• Oʻxshash ismlar tavsiyasi — maʼnosi va oʻzagi yaqin ismlar
• Tungi rejim

Qidiruv qulayligi

Apostrof qoʻymasangiz ham topadi: «otkir» deb yozsangiz «Oʻtkir» chiqadi. Kirill yozuvida «Дилноза» deb qidirsangiz ham, lotinda «Dilnoza» deb qidirsangiz ham natija bir xil boʻladi. Katta-kichik harf ham ahamiyatsiz.

Internetsiz ishlaydi

Barcha ismlar ilovaning oʻzida saqlanadi. Internet ulanishi umuman talab qilinmaydi — yoʻlda ham, qishloqda ham, chet elda ham bemalol foydalanaverasiz. Ilova tez ochiladi va trafik sarflamaydi.

Maʼlumotlaringiz oʻzingizda qoladi

Ilova hech qanday shaxsiy maʼlumot toʻplamaydi. Roʻyxatdan oʻtish yoki hisob ochish talab qilinmaydi. Sevimli ismlaringiz faqat sizning qurilmangizda saqlanadi va hech qayerga yuborilmaydi.

Ismlarning maʼnosi qayerdan olingan

Lugʻat oʻzbek ismlari boʻyicha manbalarga tayangan. Har bir ism yonida uning qaysi tildan kelib chiqqani koʻrsatilgan: «a.» — arabcha, «oʻz.» — oʻzbekcha, «f.t.» — fors-tojikcha, «tur.» — turkiy va hokazo. Koʻpgina ismlar qoʻshma boʻlgani uchun bir nechta tilga tegishli boʻlishi mumkin.

Kimga moʻljallangan

• Farzand kutayotgan ota-onalar
• Nabirasiga ism tanlayotgan buvi va bobolar
• Oʻz ismining maʼnosini bilmoqchi boʻlganlar
• Ismlar tarixi va tili bilan qiziquvchilar
• Oʻqituvchilar, jurnalistlar, tilshunoslar

Ismlar roʻyxati toʻldirib boriladi. Agar biror ismni topa olmasangiz yoki maʼnosida xatolik sezsangiz, bizga yozing — keyingi yangilanishda tuzatamiz.