Nasiya Daftari: qarz hisobi

Nasiya Daftari — do‘kon uchun qarz daftari, endi chek ko‘rinishida. Mijozlarga nasiyaga bergan tovaringiz, olgan to‘lovlaringiz va o‘zingizning ta’minotchilarga qarzlaringiz bitta ilovada. KIM QANCHA QARZ — BIR QARASHDA Mijozlar ro‘yxati chekdek: har bir ism yonida qoldiq summa, muddati o‘tganlar qizil bilan. Tepada «23 TASI KECHIKDI» kabi muhr nechta mijoz kechikkanini darrov ko‘rsatadi. Qarzdorlar, muddati o‘tganlar va muddati yaqinlarni alohida ko‘ring, ism yoki telefon bilan qidiring. HAR BIR MIJOZGA O‘Z CHEKI Mijoz kartasida hamma qarz va to‘lovlar sanasi bilan, qolgan summa katta qilib. Kechikkan bo‘lsa — «KECHIKDI» muhri va kechikkan summa. Bir bosishda qo‘ng‘iroq qiling yoki tayyor matn bilan SMS eslatma yuboring. QARZNI SONIYALARDA YOZING Summani raqamli klaviaturada tering, nima olganini yozing va qaytarish muddatini bir bosishda tanlang: 1 hafta, 2 hafta yoki o‘zingiz bilgan sana. Yoki shunchaki o‘zbekcha ayting: «Vali akaga yuz ellik ming, o‘n beshinchi noyabrgacha». Ilova nutqni telefonning o‘zida, internetsiz matnga aylantiradi va mijoz, summa hamda muddatni o‘zi ajratadi. «Tasdiq ovozi»: mijoz qarzni tasdiqlagan ovozini yozib qo‘ying. SO‘M VA DOLLAR ALOHIDA Har bir valyuta o‘z hisobida yuritiladi, hech qachon aralashmaydi va kurs bo‘yicha almashtirilmaydi. O‘Z QARZLARINGIZ HAM SHU YERDA «Qarzlarim» bo‘limida ta’minotchi va ulgurji do‘konlarga qarzingiz, muddatlari va jami summa. HISOBOT HAR DOIM TAYYOR Olishingiz kerak bo‘lgan jami summa, muddati o‘tganlar, 7 kun ichida to‘lanadiganlar, berilgan qarz va qaytgan pul grafigi, mijozlarning to‘lov odati. Hafta, oy yoki yil bo‘yicha. Hisobotni PDF yoki Excel qilib yuboring. ESLATMA VA MUDDATLAR Qarz muddati kelganda ilova eslatadi, kechikkanlarni alohida ko‘rsatadi. DO‘KONINGIZGA MOS KO‘RINISH 8 xil fon rangi, kunduzgi, tungi va «Tungi + oq» ko‘rinish. INTERNETSIZ HAM ISHLAYDI Hamma yozuv avval telefonda saqlanadi. Internet bo‘lganda zaxira nusxa serverga yuboriladi: telefon yo‘qolsa ham, qayta kirsangiz hammasi qaytadi. Do‘koningizga xodim qo‘shib, birga yuritishingiz mumkin. XAVFSIZ VA SHAXSIY PIN-kod va Face ID bilan himoya. Ma’lumotlaringizni faqat siz va o‘zingiz qo‘shgan xodimlar ko‘radi. Reklama ham, kuzatuv ham yo‘q. ILOVANI OCHMASDAN iPhone vidjetlari, Siri va Apple Watch: kim qancha qarz ekanini bir qarashda ko‘ring. Nasiya Daftari — bu do‘konning o‘z qarz daftari, kredit yoki muddatli to‘lov xizmati emas: pul bermaydi va kredit rasmiylashtirmaydi.