Kaw Dai High School

ႁူင်းႁဵၼ်းၸၼ်ႉသုင်ၵေႃတႆးၼႆႉ ပဵၼ်ႁူင်းႁဵၼ်းပၢႆးပၺ်ႇၺႃႇထၢၼ်ႈငဝ်ႈ ဢၼ်ပူၵ်းတင်ႈႁင်းၶေႃလႄႈ ဢၼ်ၵမ်ႉယၼ်ပၼ် တၢင်းလူဝ်ႇၸိူဝ်ႉၶိူဝ်းတႆးသေ ပူၵ်းပွင် တၢင်းႁူႉ၊ တၢင်းမေႃ၊ တၢင်းဝူၼ်ႉၶိုတ်းၵၢပ်ႈ၊ မီးပႃးၵၢၼ်လူင်ႉလႅၼ်ႇပၢႆးၾၢႆႇသေ ၸၢင်ႊဢဝ်မႃးၼၢမ်းၸႂ်ႉတိုဝ်းလႆႈ ၼႂ်းၸူဝ်ႊပၢၼ်ၵမ်းသိုဝ်ႈ လူၺ်ႈယိူင်းဢၢၼ်း လုၵ်ႈႁဵၼ်းတႆး ၽိင်ႈလီ မီးပၺ်ႇၺႃႇ ပေႉတူဝ် ၼႆၼၼ်ႉယဝ်ႉ။ တွၼ်ႊတႃႇလုၵ်ႈႁဵၼ်းတႆး တေလႆႈႁပ်ႉ ပၢႆးပၺ်ႇၺႃႇ လၢႆးတႆးတႆးလႄႈ ၶိုတ်းၵၢပ်ႈပၢၼ်လုမ်ႈၾႃႉၼၼ်ႉ ႁူင်းႁဵၼ်းၸၼ်ႉသုင်ၵေႃတႆး လႆႈၸႂ်ႉလွၵ်းလၢႆးပူင်သွၼ် ဢၼ်ၶိုတ်းၵၢပ်ႈလုမ်ႈၾႃႉလႄႈ ပူၵ်းပွင် ႁႂ်ႈလုၵ်ႈႁဵၼ်းပဵၼ်မႃးလႆႈ တိုၼ်းႁႅင်း ဢၼ်တေပဵၼ်ႁႅင်းတိုၼ်း တႃႇတႆးတေသိုပ်ႇပဵၼ်တႆး ၸွမ်ၼင်ႇတႃႈမုင်ႈႁၼ်ၵေႃတႆးမီးၼၼ်ႉၵႂႃႇၼႆယဝ်ႉ။ တွၼ်ႊတႃႇလုၵ်ႈႁဵၼ်းတေပဵၼ်မႃးလႆႈ ၼင်ႇတႃႈမုင်ႈႁၼ် လႄႈ ယိူင်းဢၢၼ်းၵေႃတႆးမီးၼၼ်ႉ လုၵ်ႈႁဵၼ်း၊ မေႃသွၼ်၊ ပေႃႈမႄႈလႄႈ တူင်ႇၵူၼ်း တၵ်းတေလႆႈႁူမ်ႈမိုဝ်းၵၼ်သေ ထွင်သၢၼ်၊ ၶတ်းၸႂ်ၵႂႃႇၼႆယဝ်ႉ။