Islomdan Hikoyalar

Bir kuni hazrati Hasan Basriyning huzurlariga bir ayol kelib, shunday dedi:

– Ey, Allohning do‘sti! Sizga savollarim bor, javob berishingizni istayman,

– So‘rang, – dedilar Hasan Basriy hazratlari.

– Ey.. Imom! Din pokligi, din javhari, din xazinasi nima? – dedi ayol.

Hasan Basriy hazratlari:

– Siz ayting, biz ham eshitib, o‘rganaylik, – dedilar. Ayol aytdiki:

– Din pokligi – tahorat olmoqdir.

Din javhari – Allohdan qo‘rqmoqdir.

Din xazinasi – ilmdir. Ayol yana qo‘shimcha qildi.

Din ma’dari – hayodir. Alloh hayoli qulini maqtaydi. Rasululloh sollallohu alayhi vasallam) «hayo – imonning bir bo‘lagi» ekanini bildirganlar.

Hazrati Hasan Basriy bu ayolning so‘zlarini eshitib, sevinchdan hayratu hayajonga tushdilar, ayolning so‘ziga muxlis bo‘ldilar.