دارا و سارای موسڵمان

>الحَمْدُللَّهِ وَحْدَه والصَّلاةُ و السَّلامُ على مَنْ لا نبَّي بعده أمَّا بعد : به‌ ناوی خودای به‌خشنده‌ی میهره‌بان سوپاس و ستایش بۆ خودای ئه‌رز و ئاسمان وە درود و صه‌ڵاوات به‌ لێزمه‌ ببارێت به‌سه‌ر نوری چاومان پێغه‌مبه‌ری خوا محمد ( صلى الله علیه و سلم ) له‌ پاشان : خوێنه‌ری ئازیز ئه‌مه‌ی له‌به‌رده‌ستتدایه‌ ( داراو سارای موسڵمان ) ئاستی دووه‌میه‌تی ، كورته‌یه‌كه‌ له‌ په‌روه‌رده‌ی ئیسلامی بۆ منداڵی موسڵمان ، به‌شێوازێكی ساده‌ و ئاسان داڕێژراوه‌ و دابه‌ش كراوه‌ به‌سه‌ر ( پێنج به‌ش ) كه‌ ئه‌ویش بریتیه‌ له‌ :
• بیروبـاوه‌ڕ ( العقـیده‌ )
• چۆنیه‌تی نوێژ و ده‌ستنوێژگرتن
• ناسینی پێغه‌مبه‌رمان محمد ( صلى الله علیه و سلم ) به‌ كورتی
• فه‌رمووده‌ قورئانییه‌كان
• سـونه‌ت و ئادابه‌ جوانه‌كان
ئه‌م به‌شانه‌ی سه‌ره‌وه‌ دیارترین ئه‌و بابه‌تانه‌ن كه‌ منداڵی موسڵمان زه‌روره‌ شاره‌زای ته‌واوی له‌سه‌ری هه‌بێت بۆئه‌وه‌ی بتوانێت به‌ جوانی خودای خۆی بپه‌رستێت و پێغه‌مبه‌ری خۆی بناسێت و به‌ ئیسلامه‌كه‌ی ئاشنا بێـت ، جا له‌م كتێبه‌دا كار له‌سه‌ر ئه‌وه‌ كراوه‌ منداڵانی موسڵمان پێبگه‌یه‌نرێت و شاره‌زا بكرێت به‌ ئاینی پیرۆزی ئیسلام به‌ پێی قورئان و سونه‌ت به‌ تێگه‌یشتنی پێشه‌وایانی ئومه‌ت دوور له‌ هه‌موو توندڕه‌ویه‌ك یان شلڕه‌وییه‌ك بۆئه‌وه‌ی به‌ جوانی و به‌كورتی شاره‌زای ئیسلامه‌كه‌یان بن و ببنه‌ مایه‌ی خێر بۆ خۆیان و دایك و باوك و گه‌ل و نیشتمانیان ، وداواكارم له‌ خوای په‌روه‌ردگار بیكات به‌ توێشویه‌ك بۆ قیامه‌تی خۆم و دایك و باوكی ئازیزم و ببێت به‌ مایه‌ی خێر و هیدایه‌ت بۆ هه‌موو ئه‌و مامۆستایانه‌ی كه‌ به‌ ده‌رس ده‌یڵێنه‌وه‌ و منداڵی موسڵمانی له‌سه‌ر په‌روه‌رده‌ ده‌كه‌ن ئامین ئه‌جمه‌عین