99+1

99+1 — Allohning 99 go'zal ismini (Asma-ul-Husna) har kuni ozgina-ozginadan, tizimli tarzda yodlab olishga yordam beruvchi ilova.

Ko'p odam "Asma-ul-Husnani yodlayman" deb boshlaydi-yu, davomini keltira olmaydi. 99+1 shu muammoni hal qiladi: siz o'zingizga qulay reja tanlaysiz (3, 9 yoki 11 kunlik), ilova esa har kuni belgilangan vaqtda eslatib, kichik-kichik test orqali ismlarni ongingizga muhrlaydi.

NIMALAR BOR:

• Kunlik reja — 99 ismni 3/9/11 kunga bo'lib, bosqichma-bosqich yodlash
• Ovozli eslatma — belgilangan vaqtda chalinadi, savollarni bajarmaguningizcha to'xtamaydi
• Aqlli takrorlash — allaqachon o'rgangan ismlaringiz ham unutilmasligi uchun vaqti-vaqti bilan qayta so'raladi
• Streak va statistika — necha kun uzluksiz davom etayotganingizni, qaysi ismlarda ko'proq xato qilayotganingizni ko'rasiz
• 99 ism ro'yxati — arabcha va lotin yozuvida, o'rganganlaringiz ochiladi
• Internetsiz ishlaydi — ilova to'liq offline holda ishlaydi, hech qanday ro'yxatdan o'tish shart emas
• Harf-raqam tanimaydiganlar uchun maxsus rejim — faqat ovoz va raqam orqali yodlash imkoniyati

KENGAYTIRILGAN IMKONIYATLAR (Premium):

• Har bir ismning ma'nosi, Qur'ondagi zikri va amaliy hikmati
• Hayotiy vaziyatlarga mos duolar: tavba, rizq, shifo, imtihon, xotirjamlik

99+1 — shoshilmasdan, lekin har kuni bir qadam bilan Allohning go'zal ismlarini qalbingizga yaqinlashtiruvchi hamrohingiz.