mt.ofm.fontifrangiskani

Il-Fonti għall-Ħajja ta’ San Franġisk ta’ Assisi (Fontes) huma l-ġabra ta’ kitbiet ta’ San Franġisk flimkien ma’ dokumenti dwar San Franġisk u l-bidu tal-Ordni tal-Patrijiet Minuri li nkitbu bejn l-1226 u l-1399. Huma xhieda awtentiċi tal-istorja tal-Knisja u tal-Ewropa medjevali, li fihom twieldet il-familja kbira Franġiskana.

Il-Fontes miġjuba f’din l-app huma traduzzjoni fil-Malti tat-testi oriġinali bil-Latin, frott ħidma intensa ta’ għoxrin sena minn grupp ta’ patrijiet Franġiskani tal-Provinċja tal-Patrijiet Minuri ta’ Malta.

Din l-opra diġitali hi mżejna b’introduzzjonijiet u apparat kritiku, indiċijiet u tfittxija, bil-għan li tkun strunent ta’ konsultazzjoni u approfondiment biex wieħed jagħraf aħjar lil San Franġisk u l-messaġġ tiegħu.