وسام - Wesam

وسام تطبيق عائلي يحوّل يوم عيالك إلى إنجازات يفتخرون فيها: مهام يومية، وصلاة بوقتها، ونقاط وأوسمة، وحصالة ومكافآت، ومحادثة عائلية خاصة ومشفّرة. للأب والأم، وللأبناء من ٦ إلى ١٤ سنة تقريباً. كل إنجاز وله وسام • ستة أقسام جاهزة: القراءة، الصلاة، الدراسة، الالتزام، النظافة، الرياضة، وتقدرون تضيفون أقسامكم. • كل قسم له مراحل: برونزي، فضي، ذهبي، بلاتيني، ماسي. • لما يوصل طفلك لوسام جديد يشوف لحظة احتفال على جهازه، وتوصل بطاقة الوسام لمحادثة العائلة. المهام اليومية والصلاة • مهام جاهزة أو من عندكم: الصلاة، تفريش الأسنان، القراءة، الواجب، ترتيب الغرفة، النوم بدري وغيرها. • الصلوات الخمس بمواقيت الكويت، مع تنبيه على جهاز الطفل بصوت الأذان أو بصوت هادئ. • الصلاة تنحسب في وقتها، والمتأخرة تروح للأهل يقررون. • إثبات بالصورة، وفيديو تفريش الأسنان دقيقتين كاملة. • الأهل يوافقون، أو يطلبون إعادة التصوير. حصالة ونقاط ومكافآت • نقاط لكل مهمة، ومتجر مكافآت تحددونه أنتم: ساعة ألعاب، طلعة، آيس كريم… • حصالة بالدينار مع مصروف يومي أو أسبوعي وهدف ادخار. • الحصالة سجل أرقام يعلّم الادخار، والتطبيق ما يحرّك أي فلوس حقيقية. تابع عيالك بنظرة وحدة • بطاقة لكل طفل: إنجاز اليوم، والنقاط، والحصالة، وما ينتظر موافقتك. • تحدّي الأسبوع للعائلة كلها، وأعياد الميلاد والمناسبات مع تذكير. • مؤقت للشاشة أو المذاكرة يوصل لجهاز الطفل. محادثة ومكالمات العائلة • محادثة جماعية للعائلة ومحادثات خاصة: صور، فيديو، رسائل صوتية، ملصقات، وتصويت. • مكالمات صوت وفيديو بين أفراد العائلة، ومكالمات جماعية. • الأهل يقررون: الإخوان يكلّمون بعض أو لا، والفيديو مسموح أو لا. «مين الأسرع؟» وإنجازات الإخوان • مسابقة عائلية حماسية داخل محادثة العائلة: ١٠ أسئلة من الكويت والدين والعلوم والكورة والتاريخ وغيرها، وكل مرة أسئلة جديدة. • أول واحد يجاوب صح ياخذ النقطة، والفايز من العيال تنضاف له نقاط بحصالته. • «إنجازات إخواني»: كل طفل يشوف وين وصلوا إخوانه اليوم، ويتحمّسون مع بعض. خصوصية وأمان • دائرة مغلقة: ما فيه بحث ولا غرباء ولا ملفات عامة. محد يدخل إلا اللي يضيفه الأهل. • الرسائل والصور والفيديو والأصوات مشفّرة من طرف لطرف، وحتى إحنا ما نقدر نقراها. • بدون إعلانات، وبدون تتبّع، وما نبيع بيانات لأحد. • العيال يدخلون بكود من ٦ أرقام يعطيهم إياه الأهل، بدون إيميل ولا رقم جوال، ويختارون رمز سري لأجهزتهم. • تقدر تحذف حسابك وبيانات عائلتك من داخل التطبيق. يشتغل على الآيفون والآيباد.