BOS — إدارة صندوق العمارة

أمين الصندوق مش محاسب. هو ساكن عادي انتدبته اللجنة، بيلاحق مين دفع ومين لأ، وبيسجّل بدفتر أو بملف إكسل، وبيرجع يبعت الإيصالات والتذكيرات يدوي واحد واحد. وبآخر السنة بيجي السؤال اللي ما إله جواب جاهز: «وين راحت المصاري؟» BOS بيشيل هالشغل عنك. ◆ احكي بالعربي، وهو بينفّذ جارك أبو محمد عطاك ١٠٠ شيكل عند باب العمارة. بتفتح BOS وبتكتب أو بتحكي: «سجّل للجار أبو محمد دفعة ١٠٠ شيكل عن خدمات شهر ٨» والباقي بيصير لحاله: بينسجّل القبض، بيطلع سند رسمي مرقّم، بينحدّث رصيد الصندوق، وبيوصل الإيصال وكشف الحساب عالواتساب — وأبو محمد لسّه واقف قدامك. ◆ رصيد الصندوق بثانية افتح التطبيق وشوف. بلا جمع ولا طرح ولا دفتر. ◆ مطالبات الشهر برسالة وحدة بدل ما تتصل على عشرين شقة، بتصدر مطالبات الشهر لكلهم دفعة وحدة، وبتوصل رسائل التذكير للمتأخرين لحالها. ◆ شاشة تحصيل مرتّبة مين متأخر، وكم عليه، ومن أي شهر لأي شهر. وبضغطة: قبض، اتصال، واتساب، أو كشف حساب. ◆ سندات صرف موثّقة كل مصروف — كهرباء، نظافة، مصعد، صيانة — بسند واضح باسم الجهة والمبلغ والتاريخ. ◆ كشف حساب زي كشف البنك مدين، دائن، ورصيد تراكمي. الساكن بيقراه ويفهمه بلا شرح — وهاد بيقطع النقاش قبل ما يبلّش. ◆ ساعة مياه الخدمات عندك عدّاد مشترك للعمارة؟ اكتب القراءة السابقة والحالية وسعر التعرفة، والتطبيق بيحسب المصروف وبينبّهك لو الرقم غلط. ◆ خروج المستأجر طلع المستأجر بنص الشهر؟ التطبيق بيحسب حصته بالتناسب، وبيسوّي حسابه، وبيطبعلك إخلاء طرف. ◆ إيجاراتي — للمُلّاك عندك عقارات مؤجّرة؟ نفس الحساب بيديرلك العقود والأقساط وكشوفات المستأجرين. ◆ ليش BOS بالذات مبني لطريقة شغلنا هون. مش نظام أجنبي متُرجَم عربي وبعدين انحشرت فيه لجان العمارات. كل رقم بيرجع لسند. وكل سند إله تاريخ واسم. لما يسأل ساكن، الجواب بيطلع بضغطة — مش بجدال. للاستفسار والدعم: [email protected] الموقع: bosbuilding.com