مسافة - Masafa

مسافة — خطك اليومي للدوام والجامعة والمدرسة. بلا خرائط ولا دبابيس: بس اكتب. للراكب • سجّل خطك بكتابة بسيطة: منين تطلع ووين تروح، والدوام، وكم شخص، ولمن الخط: إلك، لبنتك، أو لابنك. • تشوف «القريبين منك» — السواق اللي يمرّون من منطقتك — و«كل الخطوط» بمدينتك، وعلى كل خط سعر منطقتك وسيارته بالماركة والموديل. • راسله أو اتصل بيه مباشرة، بلا تقديم ولا انتظار. • رقمك بإيدك: خلّي «تريد السائق يتصل بيك؟» شغّال، أو طفّيه ويراسلك السائق بالتطبيق بس. للسائق • اكتب مناطقك: منين تطلع، المناطق اللي تمر بيها، ووين توصل — وحط سعر لكل منطقة. • اختار منو تاخذ (شباب، بنات، أو مختلط) والدوام. • انشر خطك ٧ أيام بـ٥٬٠٠٠ دينار، وأول خط تسجّله ينشر ٧ أيام مجاناً. وبلا عمولة على أجرتك. • بـ«الركّاب» تشوف المناسبين إلك وكل ركّاب مدينتك، والخريطة تبيّن المناطق اللي بيها ركّاب. راحة بالك • خطوط البنات مفصولة بالنظام نفسه، مو مجرد فلتر. • بمحادثتك ويا أي سائق أو راكب، «بلّغ عن هذا الشخص» يوصل بلاغك لفريق مسافة. • الأجرة بينك وبين السائق مباشرة — مسافة ما تاخذ من الراكب ولا دينار. مسافة بالبصرة وبغداد والموصل وكركوك والرمادي وكربلاء والنجف والحلة والناصرية وديالى.