打小人・鵝頸橋

心口有啖氣，唔通真係要坐車去鵝頸橋排隊？打開部電話就打得。 《打小人・鵝頸橋》係一隻港式解壓小遊戲。寫低個小人姓名，揀個打手同場景，跟住就係三十秒：阿婆一路唸口簧，你一路用拖鞋摑落張小人紙度。夠鐘，張紙自己燒晒，煙一散，件事就當過咗。 ■ 三十秒開壇 由「打你隻手，打到你冇掟唞」開始，到「化走是非・出入平安・貴人扶持」收科。全程廣東話口簧，一句一句跟住個節奏落手。 ■ 落手有分寸 拖鞋嘅角度會跟住你隻手指走，摑得夠密會計連擊。張小人紙亦都會越打越殘——鞋印、皺褶、爆邊，一下一下睇得出。 ■ 任摑模式 唔想睇鐘就揀任摑，冇時間限制，打到你順返啖氣為止。 ■ 打完有片睇 每一場都會自動錄低。完場即刻睇返，可以儲落電話，又可以send俾個朋友笑下。 ■ 卡冊 打手同場景各有各嘅樣、各有各嘅手勢同聲線，全部收埋喺卡冊入面慢慢揭。 ■ 你嘅嘢留喺你部機 小人個名、你上載嘅相、同埋錄低嗰段片，全部只係留喺你部機度，唔會上傳去任何伺服器。 — 本遊戲只係模仿民間習俗，純粹娛樂，冇任何宗教或者法術效力。內含粗俗口語，建議成年人玩。所有角色聲音由 AI 生成。