Eleccións Galicia 2024

“Eleccións Galicia 2024” é a aplicación oficial e gratuíta que a Xunta de Galicia pon ao dispor dos cidadáns/as para consultar os resultados provisionais das Eleccións ao Parlamento do 18 de febreiro de 2024 en Galicia.

A través da aplicación poderase consultar a información da constitución das mesas, os avances de participación, e os resultados provisionais, xunto coa repartición de deputados/as do Parlamento de Galicia.

As persoas usuarias dispoñerán de funcionalidades como a creación de pactos entre candidaturas para alcanzar a maioría absoluta, posibilidade de navegar entre provincias, municipios e comarcas, ou mesmo ver as roldas de prensa oficiais en directo ou en diferido.