okhse

本公司嘅目標，係希望透過現時科技嘅進步，獲得資訊嘅容易度，大幅降低買賣物業需要支出嘅費用，所以我哋開發咗呢個app，令到買賣雙方嘅透明度提高，＜自己物業自己買/賣＞，所需要嘅資訊，除咗可以自己喺網絡世界尋獲之外，我哋都有專門嘅意見資料提供，而本App嘅服務, 只係收取處理合約嘅費用，務求令到買賣雙方都可以做到最大嘅得益，價格亦都唔會比中間人操縱

現時基本嘅佣金制度，喺香港呢個地產文化度已經用咗四十幾年，當時由於收費混亂容易出現代理炒樓及（食價）嘅狀況， 而最後定出1%佣金呢個基礎, 當時物業平均都係數十萬一間, 佣金平均都係一萬元以下

但隨著經濟嘅發展，土地及建築費等日漸攀升，現時平均兩房單位普遍接近八百萬，如果按照舊有收費模式，一個物業買賣支出就已經十數萬，喺二～三十年前科技未必可以進步到所有資訊都容易獲得，大部分嘅資訊都需要靠由地產代理提供。但時至今日，由於科技嘅發達樓盤及相關資訊，獲得容易程度基本上係去到普羅大眾，有手提電話都可以做到。喺代理角色不斷下降嘅情況下，而佣金不降反升呢樣反差，其實係我地希望改變嘅狀況