Casusu Tap

About Casusu Tap

OYUNUN QAYDALARI

1) “Casusu Tap” oyununda ən az 3 oyunçu iştirak etməlidir.
2) “Oyuna keç” düyməsi sıxılmalı və oyunçuların adları siyahıya əlavə edilməlidir (hər oyunçunun adı 3 simvoldan az, 12 simvoldan çox ola bilməz).
3) “Oyuna başla” düyməsini sıxdıqdan sonra yuxarıda adı yazılan oyunçu “Açın” düyməsini sıxmaqla digərlərindən gizli şəkildə ekrana gələn yazıya baxmalı, ardınca “Bağla” düyməsini sıxmaqla telefonu yuxarıda adı yazılan oyunçuya ötürməlidir. Bu, son oyunçuya kimi davam etməlidir.
4) Oyunçular detektivlər və 1 casusdan ibarətdir. Proqram aranızdan bir nəfəri casus təyin edəcək. Detektivlər eyni məkan adını (məsələn, futbol stadionu), casus isə sadəcə “Casus” yazısını görəcək.
5) Detektivlərin məqsədi oyunda məkandan xəbəri olmayan casusu tapmaqdır. Bunun üçün məkanın adını çəkmədən məkana dair suallar verərək casusun kimliyini müəyyən etməlidirlər. Casusun məqsədi isə öz kimliyini gizlətmək və verilən sual və cavablar əsasında məkanı düzgün təxmin etməyə çalışmaqdır.
6) Müzakirədə sıra ilə hər oyunçu istədiyi oyunçuya sual ünvanlayır (istəkdən asılı olaraq, müzakirəni saat əqrəbi istiqamətində ardıcıl şəkildə də həyata keçirmək mümkündür).
7) Casus, əgər məkanı doğru təxmin etdiyini düşünürsə, müzakirə gedişatında risk edərək kimliyini üzə çıxarıb təxminini irəli sürə bilər. Əgər təxmin doğrudursa, casus, yanlışdırsa, detektivlər qələbə qazanır.
8) Səs çoxluğu ilə səsverməyə keçilir. Sıra ilə hər kəs şübhələndiyi bir oyunçuya səs verir. Ən çox səs toplamış şəxs casusdursa, detektivlər, detektivdirsə casus qələbə qazanır.