Service Pro

Avtoxizmat shoxobchalarida ishlaydigan xodimlar uchun ilova. Xodim kunlik ishini shu ilovada yuritadi: mijozni qabul qiladi, xizmatni rasmiylashtiradi, mahsulotni beradi. Natijada biznes egasi uchun eng qiyin narsa — nazorat — o'z-o'zidan hosil bo'ladi: har bir ish yozib boriladi, hech narsa daftarda qolib ketmaydi.

XODIM ISHLAYDI — SIZ RAQAMNI KO'RASIZ
Kun oxirida "qancha tushdi?" degan savolga eslab emas, tizimdan javob olinadi. Xodim buyurtmani ilovada ochgani uchun tushum, buyurtmalar soni va kimning ishi ekani avtomatik qayd etiladi. Filialda bo'lmasangiz ham manzara ko'rinib turadi.

OMBOR O'Z-O'ZIDAN HISOBLANADI
Xodim mahsulotni buyurtmaga qo'shganda qoldiq shu zahoti kamayadi — alohida hisob yuritish shart emas.

NARX VA KAFOLAT BO'YICHA BAHS TUGAYDI
Narx buyurtma ochilgan paytdagi holicha saqlanadi — keyin prays o'zgarsa ham, o'tgan buyurtma o'zgarmaydi. Kafolat muddati xizmat kunidan boshlab yuritiladi, shuning uchun "kafolat bormi?" degan savolga bir soniyada javob beriladi.

KIMLAR UCHUN
Moy almashtirish shoxobchalari, avtoyuvish, avtoservis va gaz xizmati — bitta nuqtadan tortib filiallar tarmog'igacha.