የተጠለፈ ትግል

About የተጠለፈ ትግል

የተጠለፈ ትግል | The Hijacked Revolution” በሚል ርዕስ የታተመውን መፅሐፍ አጠቃላይ በለውጥ ስም የመጣውን መረን የለቀቀ ሙስና ፥ የፖለቲከኞች የጥቅም ሽኩቻ እና የሴራ ፖለቲካ በዝርዝር አብራርቶ ያቀረባል። መፅሀፉ መጀመሪያ ሲታተም ብዙዋች የፈጠራ ታሪክ ነው ብለው ለመቀበል ተቸግረው ነው። ጊዜ ጊዜን እየተካ፣ ቀናቶች ሲፈራረቁ፣ ወራት ወራቶች ሲተኩ የመፅሐፉ እውነት እየተገለፀ መምጣት ጀመረ። ከቤተመንግስቱ ዘዋሪዎች እስከ አርቲስት ሀጫሉ ….. የዶክተር አብይ እና የአቶ ለማ መገርሳ ግጭት እንዴት ተጀመረ? የአማራ ክልል መፈንቅለ መንግስት ክስተት እና የተገደሉት ጀነራሎች በማን ጥፋት ነው? የደህንነት መስሪያ ቤቱ ምን እየሰራ ነው? መንግስት እነማንን እያሳደደ ነው? አብይ ጀዋር መሀመድን ቤተመንግስት አስጠርቶ ምን አለው? ዳንኤል ክብረት እንዴት ወደ ቤተመንግስቱ ገባ? የአብይ ስጋት ናቸው ተብለው የተለዩት እነማን ናቸው? ፕ/ር ብርሃኑ ነጋ ምን እያደረጉ ናቸው? በኢትዮጵያ አሀዳዊ መንግስት እየተፈጠረ ነውን? የአብይ የስልጣን ፍላጎት እስከየት ድረስ? ሽመልስ አብዲሳ እንዴት ተሾመ? በማን ጠቋሚነት ተሾመ? አቶ ለማ ወደ ፌደራል ቢሮ እንዴት መጡ? …..ብቻ ሁሉንም በሚባል ደረጃ መፅሀፉ በዝርዝር ተንትኖ አቅርቧል። አሁን አሁን የመፅሀፉ ደራሲ ለምን ለማሰር እንደተፈለገ እና መፅሀፉ ከገበያ ላይ ለምን እንደተለቀመ ግልፆ እየሆነ መጥቷል፡፡ በመፅሀፉ የሰፈረው አብዛኛው ፅሁፎች ተጨባጭነት እና እውነትነት አላቸው። መፅሀፉ ይህ ጊዜ እንደሚመጣ ቀድሞ ተንብዯል፡፡ የመፅሀፉን ደራሲ ባናውቃቸውም በጣም የቅርብ የቤተመንግሥት ሰው መሆናቸው ግን አያጠራጥርም።