مهرجان ياصاحبي اوعدني ماتسبنيش

الكلمات

انا الشخص اللي كلو عيوب
لكني عمري ما اكون خاين
وانا اللي ب طيبتي دي مضروب
وزعلي ع الجميع هاين

بمثل وارسم الضحكه
عشان مصعبش انا عليكو
وبرضو بحس بالوحده
برغم وجودي وسطيكو


هصفي معاكو انا حسابي
وارد ف وشكو بابي
ع الله تعيشو ف غيابي
و تفتكروني لو بالخير

عملت معاكو بزياده
بدون مقابل ولا افاده
تملي رقبتي سداده
مخدتش غير عدم تقدير


سمعت كلامكو ف غيابي
ضحكت من اللي انا سمعتو
بقا انتو صحابي وخواتي
طب ازاي فيا انا بيعتو

دنا والله ما مصدق
ومصدوم فيكو ب امانه
فين التقدير فين المبدأ
ودورتوها ليه خيانه


ف قايمه مجمع الاندال
وكل اللي ف يوم باعني
ده هم ومن حياتي اتشال
وجودكو كان مضيعني

مشوفتش منكو زره خير
عشان عليكو اكون باقي
زرعتو الشوك ف ارض حرير
طلعتو بجد اعدائي


حبست انا نفسي ف الاوضه
عشان ملمحش مناظركو
وناوي النيه ليكو سوده
و وقت رجوعي هفجأكو

مسيرها تلف و تجولي
لكن سمحوني مش هقدر
هوصي عليكو انا غروري
و هو معاكو يتصرف


ومش هدي لحد آمان
ولا هصفالكو من تاني
ما كنت ممشيها بسلكان
مخدتش الا احزاني

ده كان عندي صحاب بالكوم
ولما وقعت ما شالوني
اوام جابو عليا اللوم
و فجاه بعدو و سبوني
...


لقيت ارقامكم اتمسحت
يا صحبه وباء خنقتوني
خلاص لعبتكم اكتشفت

وشوش الطيبه مش لايقه
وفككو من دور اخواتي
سيبوني بقا وروحي ف داهيه
بجد دمرتو حياتي


خلاص ناوي ان انا اتجاهل
وزيكو سهله هتعامل
مشوفتش حد يستاهل
دا كلو اونطه ف اونطه

هبص لنفسي و لحالي
لوحدي اريح و احلالي
وليه هشغل بيكم بالي
رجولتي معاكو كانت غلطه