ƏDV geri al

About ƏDV geri al

Fiskal İD - ƏDV geri al haqqında bir çox məlumatlar

➤ Tətbiq vasitəsilə çekin üzərində olan QR kodu oxudaraq çekin elektron versiyasına baxa, EDV geri al kalkulyatoru vasitəsilə “Toplam ƏDV” və nağd ödənişlər üzrə “qaytarılmalı ƏDV” və nağdsız ödənişlər üzrə “qaytarılmalı ƏDV” miqdarını asanlıqla hesablaya bilərsiniz.

✖︎ DİQQƏT! Tətbiqin portaldakı əməliyyatlarla heç bir əlaqəsi yoxdur. Tətbiq sizi veb səhifəyə yönləndirir.

➤ Fiziki şəxs olan istehlakçılar tərəfindən Azərbaycanda pərakəndə ticarət və ya ictimai iaşə fəaliyyəti göstərən şəxslərdən alınmış mallara (neft və qaz məhsulları istisna olmaqla) görə ödənilmiş ƏDV-nin qaytarılmalı olan hissəsi nağdsız ödənişlər üzrə 15%, nağd ödənişlər üzrə isə 10% həcmində müəyyən edilmişdir.

➤ Şəxsiyyətinizi təsdiq edən sənədin 'FİN' kodunu və mobil telefon nömrənizi, doğum tarixinizi, həmçinin qeydiyyat prosesi zamanı mobil telefon nömrənizə göndərilən birdəfəlik şifrəni daxil etdikdən sonra şifrə təyin etməklə elektron kabinetinizi yarada bilərsiniz. Portaldan yalnız 16 yaşı tamam olmuş şəxslər qeydiyyatdan keçə bilər.

➤ Çek yarandığı tarixdən sonrakı gündən başlayaraq 90 gün ərzində ƏDV məbləğinin geri qaytarılması məqsədilə portala əlavə edilməlidir.

➤ Çek 30 gün sonra elektron kabinetinizdə EDV məbləğinin nağdsız ödənişlər üzrə 15%-i, nağd ödənişlər üzrə 10%-i əks olunacaq.

➤ Elektron kabinetdə toplanmış EDV geri al məbləğini ölkədaxili bankların emissiya etdiyi ödəniş kartlarına köçürə və ya müxtəlif ödənişlər (mobil, kommunal, internet, TV və s.) etməklə istifadə edə bilərsiniz.

➤ Mal daha ucuz qiyməti olan mala dəyişdirildikdə, qaytarılmalı məbləğdən ilkin alınmış mal ilə dəyişdirilmiş mal arasında qiymət fərqinə mütənasib olaraq geri qaytarılmış ƏDV geri al məbləğini çıxmaqla vəsait qaytarılmalıdır. Mal daha yüksək qiymətli mal ilə dəyişdirildikdə, ilkin alınmış mal ilə dəyişdirilmiş mal arasında olan qiymət fərqi üzrə ƏDV məbləği geri qaytarılır.

➤ Aşağıda sadalanan mallara görə ödənilmiş ƏDV məbləği qaytarılmır:
- neft və qaz məhsulları;
- avtomobillər;
- alkoqollu içkilər;
- tütün məmulatları;