သက်သေခံ အက်ဥပဒေ

About သက်သေခံ အက်ဥပဒေ

သက်သေခံ အက်ဥပဒေကို ယေဘုယျအားဖြင့် ခြုံငုံသုံးသပ်ရမည်ဆိုပါက ပြစ်မှုကြောင်းအရ စွဲဆိုသော အမှုများအပြင် တရားမကြောင်းအရ စွဲဆိုသော အမှုများမှာလည်း အသုံးပြုကြပါတယ်။

သက်သေခံဥပဒေအရ သက်သေအမျိုးမျိုးရှိပါတယ်။ အဲ့ဒီသက်သေအမျိုးမျိုးရှိတဲ့အနက် ဘယ်သူတွေက တော့ သက်သေအဖြစ် အစစ်ခံနိုင်ခွင့် ရှိသူတွေဖြစ်ကြောင်း ဒီဥပဒေမှာ ပြဌာန်းထားပါတယ်။ ဒါ့အပြင် သက်သေခံချက်တွေဆိုရင် နှုတ်သက်သေခံချက်၊ စာတမ်းအမှတ်အသား သက်သေခံချက် ဆိုပြီး ရှိပါတယ်။

ဒီသက်သေခံအက်ဥပဒေမှာ ဥပဒေပြဌာန်းချက်များကို ပိုပြီးနားလည်စေဖို့ ဥပမာများ၊ ရှင်းလင်းချက်များနဲ့ အသေးစိတ်ရှင်းလင်းထားတဲ့ ဥပဒေတစ်ရပ်ဖြစ်ပါတယ်။
တရားခွင်မှာ အမှုစစ်ရင် တစ်ဖက်က သက်သေခံချက်တစ်ခုခုတင်သွင်းလာတဲ့အခါ အဲ့ဒီ သက်သေခံချက်ဟာ အမှုနဲ့ စပ်ဆိုင်သလား မစပ်ဆိုင်ဘူးလား ဒါတွေကိုလည်း ရှင်းလင်းချက်တွေနဲ့ ပြဌာန်းထားပါသေးတယ်။

ဒါ့အပြင် တစ်ဖက်က နမိတ်ပြမေးခွန်းတွေ မေးလာခဲ့ရင် ဒါဟာ ခွင့်ပြုလို့ရတဲ့ နမိတ်ပြမေးခွန်းလား ခွင့်မပြုသင့်တဲ့ နမိတ်ပြမေးခွန်းလား ဆိုတာတွေကိုလည်း ဒီဥပဒေမှာ ပြဌာန်းထားပါသေးတယ်။

ဒါ့ကြောင့် သက်သေခံဥပဒေပါ ပြဌာန်းချက်တွေကိုသာ ပိုင်ပိုင်နိုင်နိုင် လေ့လာထားနိုင်မယ်ဆိုရင် ဒီဥပဒေကနေတစ်ဆင့် အမှန်တရားတွေကို ရှာဖွေနိုင်ဖို့ အထောက်အကူပြုနိုင်မယ့် ဥပဒေတစ်ရပ်ဖြစ်ကြောင်း ညွှန်းဆိုချင်ပါတယ်။ ဘာလို့လဲဆိုရင် အမှုတွေမှာ မြှုပ်ထားတဲ့ မြှုပ်ကွက်တွေကို တတ်သိနားလည်တဲ့ စဉ်းစားတွေးခေါ်နိုင်စွမ်းရှိတဲ့ ရှေ့နေတွေ၊ တရားသူကြီးတွေက ဒီပြဌာန်းချက်တွေကို အသုံးချပြီး ဆောင်ရွက်နိုင်မယ်ဆိုရင် သက်သေခံဥပဒေဟာ ရှေ့နေတိုင်း ၊ တရားသူကြီးတိုင်း မရှိမဖြစ် လေ့လာမှတ်သားရမယ့် ဥပဒေတစ်ရပ်ဖြစ်ကြောင်း ညွှန်းဆိုချင်ပါတယ်။