Ustachi Pro

About Ustachi Pro

Ustachi Pro — ustaning ish maydoni. Yo'nalishingizni tanlaysiz, buyurtma o'zi topib keladi, ishni qabul qilishdan topshirishgacha bir joyda yuritasiz.

Rom va eshik, tom, g'isht, elektrika, santexnika, kafel, bo'yoq, mebel… 25 dan ortiq yo'nalish.

BUYURTMA O'ZI TOPIB KELADI
Hududingiz va yo'nalishingizga mos yangi e'lonlar bildirishnoma bo'lib keladi — qidirib yurmaysiz. Taklifingizni yuborasiz, mijoz tanlaydi, ish boshlanadi.
Narxni e'londa aytmaysiz: shartlarni mijoz bilan chatda kelishasiz.

BANDLIK TUGMASI
«Buyurtma qabul qilaman» ni o'chirib qo'ysangiz yangi so'rovlar to'xtaydi. Band paytingizda telefon tinch bo'ladi, yoqqaningizda so'rovlar yana kelaveradi.

ISHNI BOSQICHMA-BOSQICH YURITISH
Har buyurtma o'z bosqichida turadi: qabul qilindi, o'lchov olindi, ishlab chiqarish, o'rnatish, topshirildi. Bosqichni belgilaganingizda mijozga xabar avtomatik ketadi — qo'ng'iroq qilib tushuntirish shart emas.
Ro'yxatda kechikkan ish darhol ko'rinadi: qancha kun qolgani va qanchaga kechikkani yozib turadi.

XIZMAT NARXLARINGIZ
Sohangiz bo'yicha o'z stavkalaringizni kiritib qo'yasiz. Har mijozga qaytadan o'ylab o'tirmaysiz — narx tayyor turadi.

O'Z BUYURTMALARINGIZ
Mijoz ilova orqali kelmagan bo'lsa ham o'zingiz yozib qo'yasiz: mijoz ma'lumoti, chegirma, avans va qoldiq. Kim qancha to'lagani daftarda emas, ilovada turadi.

MIJOZ BILAN CHAT
Shart va narxni chatda kelishasiz, kelishuv yozma qoladi. Yangi xabar bildirishnoma bo'lib keladi.

PROFIL VA ISH NAMUNALARI
Mijoz sizni tanlashdan oldin yo'nalishingizni, tajribangizni va qilgan ishlaringiz rasmini ko'radi. Namuna qo'shsangiz tanlanish ehtimoli ortadi.

KORXONANGIZ
Korxona nomi va logotipi hisob-kitobda hamda buyurtma varag'ida ko'rinadi.

ROM VA ESHIK USTALARI UCHUN — NARX KALKULYATORI
Romni ilovaning o'zida chizasiz: bo'luvchi, ochiluvchi qanot, eshik, shotlanka va to'ldirma. Brend, profil seriyasi va materialni (plastik, alumin, termo) tanlaysiz — ilova xomashyolar ro'yxatini, sarfini va yakuniy narxni chiqarib beradi.
• Har profil, shisha va aksessuar alohida qatorda — nima uchun qancha ketgani ko'rinadi
• Chiqindi foizi, minimal qoldiq va valyuta kursi hisobga olinadi
• Foyda foizi tannarx ustiga qo'shiladi va mijozga KO'RSATILMAYDI
• Bitta buyurtmada bir nechta rom — hammasi bitta hisobda
• Narxlar qurilmaga yuklab olinadi: obyektda internet bo'lmasa ham hisoblayverasiz
• Qo'ng'iroq kelib chiqib ketsangiz chizma ham, sozlamalar ham saqlanadi — qaytganingizda o'sha joydan davom etasiz

Boshqa yo'nalishlar uchun kalkulyatorlar ustida ishlanmoqda.

QANDAY KIRILADI
Telefon raqamingizni kiritasiz, SMS orqali 6 xonali kod keladi. Parol kerak emas.

TILLAR
O'zbek, rus, ingliz, qozoq, qirg'iz, tojik, turkman va turk tillari.

DIQQAT
Bu ilova USTALAR uchun. Usta qidirayotgan bo'lsangiz — «Ustachi» ilovasini yuklang.